چلو جھُک جاوَ اُس کے آگے اور سجدے میں سر رکھو
مزاجِ عجز پہچانو نِگوُں مژگانِ تر رکھو
فزوُں ہو گا فسوُں نوخیزگی جب رنگ بکھیرے گی
فریبِ گیسوُ ئے پُر پیچ و خم کی کُچھ خبر رکھو
حیاتِ عارضی کے جال سے باھر نکل آوَ
تقضائے حیاتِ جاوداں پیشِ نطر رکھو
وہی گُفتارِ بے ہنگم وہی رفتارِ بے ڈھنگی
ذرا قول و عمل میں فاصلے کُچھ مُختصر رکھو
گذر جاتی ہے یوُں بھی زِندگی کُچھ بے نیازانہ
شعوُرِ طور و طرزِ فی زمانہ کُچھ مگر رکھو
نہ جانے سنگدِل کِس دِل سے دِلجوئی کو آ جائے
کھُلے دِل کے کھُلے دِل سے شکستہ بام و در رکھو
مِری تعمیرِ ہستی میں ہے مضمر اُس کی خوُشنوُدی
مزّین دِل کو اُس کی یاد سے شام و سحر رکھو
یہ تجدیدِ جنوُں طالِب ہے مجنوُنانہ سوچوں کا
حمید افکار کی دُنیا کِئے زیر و زبر رکھو
